عوامی نیشنل پارٹی کے صوبائی صدر میاں افتخار حسین کا اے این پی کوہاٹ کے زيراہتمام تقریب سابق مرکزی صدر اور پشتو مزاحمتی ادب کی علامت اجمل خٹک کو پندرہویں برسی پر خراج عقیدت…

اجمل خٹک ایک عہد ساز شخصیت تھے، پشتو ادب اور پختون سیاست میں انکا کردار ناقابل فراموش ہے انہوں نے اپنی پوری زندگی مظلوم اور محکوم طبقات کے حقوق کے لیے وقف کی تھی وہ باچا خان کے نظريات کے ایک سچے پیروکار اور ولی خان کے قریبی ساتھیوں میں ایک تھے وہ نہ صرف ایک بہترین سیاستدان تھے بلکہ ایک عظیم انقلابی شاعر، دانشور اور مصنف بھی تھے اجمل خٹک نے ہمیشہ اپنے قلم کے ذریعے قوم کے حقوق اور محرومیوں کیلئے آواز بلند کی انہوں نے اپنی شاعری اور ادب کو وسیلہ بنا کر مزاحمت اور بیداری کی شمعیں روشن کی عملی میدان میں بھی انہوں نے پشتونوں کے حقوق کے لیے ایک نہ ختم ہونے والی جدوجہد کی وہ ہر اس قوت کے خلاف کھڑے رہے جو جبر، ناانصافی اور استحصال کو دوام بخشنا چاہتی تھی ان کا قلم اور ان کی سیاست ہمیشہ محکوم اور مظلوم عوام کی آواز بنی رہی ان کی زندگی مشکلات اور قربانیوں سے عبارت تھی، لیکن وہ کبھی اپنے نظریات سے پیچھے نہیں ہٹے انہوں نے جلاوطنی کاٹی، ریاستی جبر کا سامنا کیا، مگر اپنے اصولوں پر سمجھوتہ نہیں کیا ان کی شاعری اور ان کے خیالات آج بھی ہمارے لیے مشعلِ راہ ہیں پندرہویں برسی پراجمل خٹک کی قربانیوں، خدمات اور جدوجہد کو خراجِ عقیدت پیش کرتے ہیں #RememberingAjmalKhattak | #ANP



This news was issued from Bacha Khan Markaz, Peshawar, Pakhtunkhwa at 2025-02-07 15:17:15 by Web Section (Haseeb Alam).
[vid_embed]
Video URL:
Original Source