خیبرپختونخوا اسمبلی کی قائمہ کمیٹی برائے محکمہ خزانہ کا اجلاس، اجلاس کی صدارت چیئرمین قائمہ کمیٹی ارباب محمد عثمان خان نے کی۔ اجلاس میں کمیٹی کے دیگر اراکین سمیت محکمہ خزانہ، پی اینڈ ڈی، اور دیگر متعلقہ اداروں کے ذمہ داران نے شرکت کی۔ اجلاس میں بجٹ، مالیاتی امور اور عوامی فلاح و بہبود کے منصوبوں پر تفصیلی تبادلہ خیال کیا گیا۔ چیئرمین قائمہ کمیٹی ارباب عثمان نے اجلاس کے دوران گفتگو کرتے ہوئے کہا کہ ہمارا مقصد مالیاتی پالیسیوں کو مزید مؤثر اور شفاف بنانا ہے تاکہ فنڈز کے بروقت اور درست استعمال کو یقینی بنایا جا سکے۔ انہوں نے اس بات پر زور دیا کہ خیبرپختونخوا میں بجٹ کی منظوری کے بعد اس پر نظرثانی اور ٹائم لائن کے مطابق اخراجات نہ ہونے کی وجہ سے عوامی مفاد کے منصوبے متاثر ہوتے ہیں، جسے بہتر بنانے کی ضرورت ہے۔
This news was issued from Bacha Khan Markaz, Peshawar, Pakhtunkhwa at 2025-03-12 11:56:17 by Web Section (Haseeb Alam).
[vid_embed]
Video URL:
Original Source
عوامی نیشنل پارٹی کے مرکزی صدر سینیٹر ایمل ولی خان نے بلوچستان کے علاقے بولان میں جعفر ایکسپریس پر ہونے والے بزدلانہ دہشت گرد حملے کی شدید الفاظ میں مذمت کی ہے۔ انہوں نے اس واقعے کو امن و استحکام پر حملہ اور دہشت گردی کے مستقل خطرے کی المناک یاد دہانی قرار دیا۔
سینیٹر ایمل ولی خان نے معصوم شہریوں کو نشانہ بنانے کے اس وحشیانہ حملے پر گہرے دکھ اور افسوس کا اظہار کرتے ہوئے متاثرہ خاندانوں سے دلی تعزیت کی اور زخمیوں کی جلد صحت یابی کے لیے دعا کی۔ ان کا کہنا تھا کہ عوامی نقل و حمل پر حملے نہ صرف بے گناہ جانوں کے ضیاع کا سبب بنتے ہیں بلکہ شہریوں کے روزمرہ معمولات کو متاثر کرنے اور معاشرے میں خوف و ہراس پھیلانے کی گھناؤنی سازش ہیں۔
اے این پی کے مرکزی صدر نے حکومت سے مطالبہ کیا کہ اس المناک واقعے کی فوری اور شفاف تحقیقات کرائی جائیں، ذمہ دار دہشت گردوں اور ان کے سہولت کاروں کو کیفر کردار تک پہنچایا جائے اور مستقبل میں ایسے حملوں کی روک تھام کے لیے ٹھوس اقدامات کیے جائیں۔
سینیٹر ایمل ولی خان نے حکومت سے عوامی نقل و حمل کے تحفظ کے لیے سیکیورٹی اقدامات بڑھانے اور بلوچستان سمیت ملک بھر میں سرگرم دہشت گرد عناصر کے خلاف فیصلہ کن کارروائی کرنے کا بھی مطالبہ کیا۔ ان کا کہنا تھا کہ عوامی نیشنل پارٹی دہشت گردی کے خلاف اپنے اصولی اور غیر متزلزل موقف پر قائم ہے اور ملک میں امن، سلامتی اور تمام شہریوں کے تحفظ کے لیے اپنی جدوجہد جاری رکھے گی۔
انہوں نے مزید کہا کہ دہشت گردی کسی بھی شکل میں قابل قبول نہیں، ہمیں تمام اختلافات سے بالاتر ہو کر اتحاد و یکجہتی کے ساتھ اس ناسور کا خاتمہ کرنا ہوگا۔ اے این پی اس مشکل وقت میں متاثرین کے شانہ بشانہ کھڑی ہے، اور ان کے غم میں برابر کی شریک ہے۔
This news was issued from Bacha Khan Markaz, Peshawar, Pakhtunkhwa at 2025-03-11 21:56:16 by Web Section (Haseeb Alam).
خدائی خدمتگار آرگنائزیشن پشاور کے زیر اہتمام باچا خان دسترخوان کا سلسلہ پہلے رمضان سے بلا تعطل جاری ہے، جہاں روزانہ درجنوں ضرورت مندوں، مزدوروں اور مسافروں کو افطار فراہم کی جاتی ہے۔
آج پشاور موٹروے پر خدائی خدمتگار آرگنائزیشن کے ذمہ داران نے مزدوروں اور مسافروں کے ساتھ روزہ افطار کیا، جبکہ عوامی نیشنل پارٹی پختونخوا کے صوبائی نائب صدر سابق ایم پی اے صلاح الدین خان نے بھی اس موقع پر شرکت کی۔
یہ دسترخوان باچا خان کے خدمت خلق کے فلسفے کی عملی تصویر ہے، جو کسی بھی رنگ و نسل سے بالاتر ہو کر انسانیت کی خدمت کا پیغام دیتا ہے۔ خدمت کا یہ سفر جاری رہے گا!
This news was issued from Bacha Khan Markaz, Peshawar, Pakhtunkhwa at 2025-03-11 20:33:57 by Web Section (Haseeb Alam).
[vid_embed]
Video URL:
Original Source
پختونخوا پولیس ( قبایلی اضلاع لیوز فورس ) مسلسل مختلف قسم کے حملوں کے زد میں ہیں، اور ٹارگٹ کلنگ کے زریعے شہید ہورہے ہیں، جبکہ صوبائی اور وفاقی حکومت بدامنی کے روک تھام کے حوالے سے غیر سنجیدہ ہیں۔۔۔۔
#mpanisarbaaz #ProvincialAssembly #Bajaur #police
This news was issued from Bacha Khan Markaz, Peshawar, Pakhtunkhwa at 2025-03-10 23:15:35 by Web Section (Haseeb Alam).
موجودہ حکومتیں عوام کے بنیادی مسائل حل کرنے میں مکمل ناکام ہو چکی ہیں، ایمل ولی خان
گزشتہ تین ہفتوں سے طورخم پر پاکستان اور افغانستان کے درمیان جھڑپیں جاری ہیں
جاری کشیدگی کے باعث نہ صرف تجارتی سرگرمیاں معطل ہیں بلکہ دونوں جانب کے عوام شدید مشکلات سے دوچار ہیں
ہزاروں ٹرک، کنٹینرز اور تجارتی گاڑیاں پاکستانی حدود میں کھڑی ہیں، روزانہ کی بنیاد پر اربوں کا نقصان ہورہا ہے
چھوٹے کاروباری، مزدور طبقہ اور روزانہ کی بنیاد پر تجارت کرنے والے افراد فاقہ کشی پر مجبور ہو رہے ہیں
تمام صورتحال پر مرکزی اور صوبائی حکومت نے مکمل خاموشی اختیار کر رکھی ہے
سفارتی معاملات کے حل کیلئے طاقت کے استعمال کی پالیسی اپنانا عوام دشمنی کے مترادف ہے
پاکستان کو افغانستان کے ساتھ مسائل کے حل کیلئے سفارتی راہ اختیار کرنی ہوگی
عوامی نیشنل پارٹی طورخم کو تجارتی سرگرمیوں اور عام آمدورفت کیلئے کھولنے کا مطالبہ کرتی ہے
وفاقی حکومت فوری طور حالات قابو کرنے اور طورخم کھولنے کیلئے اقدامات کرے
پاڑاچنار اور کرم کے عوام گزشتہ پانچ ماہ سے ایک کرب ناک صورتحال کا سامنا کر رہے ہیں
ٹل ،پاڑاچنار مرکزی شاہراہ کی بندش نے لاکھوں شہریوں کو مشکلات میں مبتلا کر دیا ہے
رمضان المبارک کے مقدس ایام میں بھی ان علاقوں میں لوگ محصور ہیں اور ضروریات زندگی کیلئے پریشان ہیں
کیا ریاست اتنی کمزور ہو چکی ہے کہ ایک ضلع کی مرکزی شاہراہ کو بھی بحال نہیں کر سکتی؟
واضح کیا جائے کہ اس سنگین صورتحال کو حل کرنے کے لیے سنجیدہ اقدامات کیوں نہیں کیے جا رہے؟
صوبائی و وفاقی حکومت مزيد سیاسی ڈرامہ بازیوں کی بجائے عوام کے حقیقی مسائل پر توجہ دیں
طورخم ہو یا پاڑاچنار، ہر جگہ عوام کی مشکلات بڑھ رہی ہیں، مگر حکمرانوں کو اس کی کوئی فکر نہیں
ٹل، پاڑاچنار مرکزی شاہراہ کو فوری طور پر محفوظ بنا کر مفاد عامہ کی خاطر کھولا جائے
کرم اور ملحقہ اضلاع کے عوام کو مزيد آگ کے ڈھیر میں دھکیلنے سے گریز کیا جائے
عوام کو ان علاقوں سے بیدخل کرنے اور اسے میدان جنگ بنانے کی اجازت کسی کو نہیں دیں گے
This news was issued from Bacha Khan Markaz, Peshawar, Pakhtunkhwa at 2025-03-10 19:28:15 by Web Section (Haseeb Alam).
[vid_embed]
Video URL:
Original Source
عوامی نیشنل پارٹی نے ہمیشہ امن اور پاکستان کیلئے آواز اٹھائی ہے۔ باچا خان اور ولی خان نے اپنے وقتوں میں جو کہا تھا اگر اس پر عمل کیا جاتا تو پاکستان کی موجودہ گھمبیر صورتحال بالکل مختلف ہوتی۔ ہمارا مطالبہ امن ہے، ہمارا موقف ہے کہ پاکستان میں امن پختونخوا میں قیام امن سے ہی ممکن ہے۔ ہم نے فرنٹ لائن پر اسکے لئے قربانیاں دی ہیں۔
ارباب محمد عثمان خان
ایم پی اے، عوامی نیشنل پارٹی
This news was issued from Bacha Khan Markaz, Peshawar, Pakhtunkhwa at 2025-03-10 15:03:59 by Web Section (Haseeb Alam).
Video URL: https://www.facebook.com/video.php?v=507472105739352
صوابی: عوامی نیشنل پارٹی کے صوبائی صدر میاں افتخار حسین اے این پی صوابی کے سابق سینئر نائب صدر اور سابق امیدوار قومی اسمبلی شہریار خان کی وفات پر فاتحہ خوانی اور تعزیت کررہے ہیں۔ ضلعی جنرل سیکرٹری نوابزادہ اور دیگر اراکین بھی ہمراہ ہیں۔
This news was issued from Bacha Khan Markaz, Peshawar, Pakhtunkhwa at 2025-03-09 19:19:07 by Web Section (Haseeb Alam).
[vid_embed]
Video URL:
Original Source
عوامی نیشنل پارٹی (اے این پی) گلگت بلتستان کے عوام، خصوصاً دیامر بھاشا ڈیم کے متاثرین کے حقوق کے تحفظ کے لیے پرعزم ہے۔ ہم اس بات کو تسلیم کرتے ہیں کہ دیامر بھاشا ڈیم پاکستان کے لیے ایک اہم منصوبہ ہے، جو ملک کو بجلی، پانی اور زراعت کے شعبوں میں ترقی دے گا۔ تاہم، ہم اس بات پر زور دیتے ہیں کہ اس منصوبے کے نتیجے میں متاثر ہونے والے ہزاروں خاندانوں کے حقوق کو نظرانداز نہیں کیا جا سکتا۔
مطالبات:
1. زمینوں کا جائز معاوضہ: ڈیم کی تعمیر سے متاثر ہونے والے تمام افراد کو ان کی زمینوں کا مکمل اور جائز معاوضہ فوری طور پر ادا کیا جائے۔
2. متبادل آبادکاری: متاثرین کو مناسب متبادل جگہوں پر آباد کیا جائے، جہاں انھیں بنیادی سہولیات فراہم کی جائیں۔
3. رائلٹی کا حق:ڈیم سے حاصل ہونے والی رائلٹی کا حق خیبر پختونخوا اور گلگت بلتستان کے عوام کو مشترکہ طور پر دیا جائے، تاکہ دونوں صوبوں کی ترقی میں اسے استعمال کیا جا سکے۔
4. تعلیم و صحت کی سہولیات: متاثرین کے لیے معیاری تعلیم، صحت اور روزگار کے مواقع فراہم کیے جائیں۔
5. ثقافتی ورثے کا تحفظ: ڈیم کی تعمیر سے متاثر ہونے والے قدیم ثقافتی ورثے کو محفوظ کیا جائے اور اس کے تحفظ کے لیے اقدامات کیے جائیں۔
6. مقامی نوجوانوں کے لیے روزگار: ڈیم کی تعمیر اور اس کے بعد کے مراحل میں مقامی نوجوانوں کو ترجیحی بنیادوں پر روزگار کے مواقع فراہم کیے جائیں۔
ہم گلگت بلتستان کے عوام کی “حقوق دو، ڈیم بناؤ” تحریک کی مکمل حمایت کرتے ہیں۔ یہ تحریک صرف متاثرین کے حقوق کے لیے نہیں، بلکہ پورے علاقے کی ترقی اور انصاف کے لیے ایک قومی جدوجہد ہے۔ ہم وفاقی حکومت سے مطالبہ کرتے ہیں کہ وہ عوام کے مطالبات کو سنجیدگی سے لے اور انھیں فوری طور پر پورا کرنے کے لیے عملی اقدامات کرے۔
ہم وفاقی حکومت سے اپیل کرتے ہیں کہ وہ دیامر بھاشا ڈیم کے متاثرین کے ساتھ انصاف کرے۔ عوامی احتجاج کو نظرانداز کرنے کے بجائے، حکومت کو چاہیے کہ وہ متاثرین کے ساتھ مذاکرات کرے اور ان کے مسائل کو حل کرے۔ اگر حکومت نے سنجیدگی نہ دکھائی، تو عوامی تحریک مزید شدت اختیار کر سکتی ہے، جس کے نتائج سنگین ہو سکتے ہیں۔
عوامی نیشنل پارٹی (اے این پی) گلگت بلتستان کے عوام کے ساتھ کھڑی ہے۔ ہم ان کے حقوق کے تحفظ کے لیے ہر ممکن جدوجہد کریں گے اور یقینی بنائیں گے کہ دیامر بھاشا ڈیم کے فوائد علاقے کے عوام تک پہنچیں۔ ہماری جدوجہد کا مقصد صرف اور صرف انصاف، ترقی اور عوام کی بہتری ہے۔
انجینئر احسان اللہ خان
مرکزی ترجمان
عوامی نیشنل پارٹی
09/03/2025
This news was issued from Bacha Khan Markaz, Peshawar, Pakhtunkhwa at 2025-03-09 13:43:23 by Web Section (Haseeb Alam).
